Հայաստան - Արցախ
Տիգրան Աբրահամեան. «Ոստիկանութեան կոպտութիւնն ու լկտի պահւածքն ուղիղ Փաշինեանից իջեցւած յանձնարարութիւն է»
«ԱԼԻՔ» – ՀՀ ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը «Ֆէյսբուք»-ի իր էջում անդրադարձել է ՀՀ ոստիկանութեան կողմից անհնազանդութեան ակցիաներին մասնակից քաղաքացիների դէմ բիրդ ուժի կիրառման փաստին:
«Ոստիկանութեան կոպտութիւնը, անհամաչափ ուժի կիրառումը, իսկ ոմանց մօտ՝ ակնյայտ լկտի պահւածքն ուղիղ Փաշինեանից իջեցւած յանձնարարութիւն է:
Վերջինս տարբեր առիթներով, յայտարարութիւններով շոյել եւ խրախուսել է ոստիկանական դաժանութիւնները, ինչը կանաչ լոյս է վառել ոստիկանական դաժան վարքագծի համար:
Սրա ուղիղ պատասխանատուն Փաշինեանն է, ինչը սակայն որեւէ ձեւով չի նւազեցնում այն գլխիկոր կեցւածք ունեցողի անձնական պատասխանատւութիւնը, որն ունի ՆԳ նախարար Վահէ Ղազարեանը»,- գրել է նա:
