Հայաստան - Արցախ

Սուտ եւ անտեղեակութիւն. Եկեղեցին արձագանգել է Սիմոնեանի՝ Եկեղեցու՝ «հարկ չվճարելու» մասին յայտարարութեանը

«ԱԼԻՔ» – Վրէժխնդրութիւն, սուտ եւ անտեղեակութիւն. այսպէս է Եկեղեցին արձագանգել ՀՀ ԱԺ նախագահ Ալէն Սիմոնեանի յայտարարութեանը այն մասին, որ պէտք է առաջիկայում քննարկել Եկեղեցին հարկային դաշտ մտցնելու հարցը։

«Խնդրոյ առարկայ անձը, փաստօրէն մրցանակակիր լինելով թքելու մէջ, անխոցելի է նաեւ պոռոտախօսութեան գործում եւ առաւել անմրցելի՝ անտեղեակութեան մէջ: Եթէ խօսելուց առաջ չի ստացւում՝ գէթ պէտք է փորձել դրանից յետոյ մտածել: Նոյնիսկ այդ դէպքում դժւար չէր լինի տեղեկանալ, որ Եկեղեցու՝ հարկեր չվճարելու մասին պնդումները մեղմ ասած սուտ են»,- «Sputnik Արմենիա»-ի հետ զրոյցում ասել է Մայր Աթոռ Սուրբ Էջմիածնի դիւանապետ Տ. Արշակ արքեպիսկոպոս Խաչատրեանը։

Զրոյցում Շիրակի թեմի առաջնորդ Միքայէլ արքեպիսկոպոս Աջապահեանն էլ Սիմոնեանի յայտարարութիւնը վրէժխնդրութիւն է անւանել։ Ըստ նրա՝ իշխանութեան ներկայացուցիչները պետական մտածողութիւնը վերածել են անձնական քինախնդրութեան։

«Եկեղեցին գաղափարական պայքարի է ելել, եթէ կարող էք, գաղափարական պայքարով յաղթէք»,- ասել է թեմի առաջնորդը։

Նա յաւելել է, որ ռեպրեսիւ մեթոդներով են փորձում պայքարել Եկեղեցու դէմ, սակայն դա նրանց չի յաջողւելու։

Առնչւող Յօդւածներ

Back to top button