Թաթոյեանը՝ ՀՀ ԿԳՄՍ փոխնախարարին. «Ի՞նչ աստիճանի լկտի պէտք է լինես, որ հոգեւորական զգեստն անւանես «դերեա» ու ականջին հայհոյես»
«ԱԼԻՔ» – ՀՀ Մարդու իրաւունքների նախկին պաշտպան Արման Թաթոյեանը ֆէյսբուքեան իր էջում գրառում է կատարել՝ անդրադառնալով ՀՀ կրթութեան, գիտութեան, մշակոյթի եւ սպորտի փոխնախարար Դանիէլ Դանիէլեանի կողմից հոգեւորականին ծաղրելու եւ հայհոյելու փաստին.
«Հոգեւորականի զգեստը «դերեա» անւանած ու հոգեւորականի ականջին հայհոյած ԿԳՄՍ փոխնախարար`
Ի՞նչ աստիճան լկտի պէտք է լինես, որ Սուրբ Եկեղեցու հոգեւորականի զգեստը անվանես «դերեա» ու ականջին հայհոյես`լինելով Կրթութեան, գիտութեան, մշակոյթի եւ սպորտի փոխնախարար:
Այսպէս է լինում, երբ խուլիգանները զբաղեցնում են պետական, այն էլ՝ բարձրաստիճան պաշտօններ»,- գրել է նա:
Յիշեցնենք, որ յունիսի 1-ին Գիւմրիում լրագրողների հետ զրոյցում Թովմաս ուրարակիր Առաքելեանն ասել էր, որ ՀՀ ԿԳՄՍ փոխնախարար Դանիէլ Դանիէլեանը հոգեւորականի զգեստն անւանել է «դերեա» ու հայհոյել իրեն:
