Հայաստան - Արցախ
Իշխանութիւնները եկեղեցու դէմ նոր սադրանք են կազմակերպում
![](/wp-content/uploads/2024/09/3996-780x470.jpg)
Իշխանութիւնները եկեղեցու դէմ նոր սադրանք են կազմակերպում, որի կազմակերպիչն իշխանական հայեացքներով աչքի ընկած հոգեւորական Տէր Սահակ քահանայ Գալստեանն է։
Մտադիր են սեպտեմբերի 14-ին Էջմիածնում կազմակերպել Գարեգին Բ-ին գահընկեց անելու պահանջով հանրահաւաք: Կասկած չկայ, որ հանրահաւաքի կազմակերպման գաղափարն իրականում պատկանում է իշխանութիւններին, քանի որ սեպտեմբերին նախ Սրբազան շարժումն է յայտարարել ակտիւացման մասին, իսկ քաղաքական իշխանութիւնների կարծիքով՝ Բագրատ Սրբազանի գործողութիւնները համակարգում է Ամենայն հայոց Վեհափառը։
Եւ երկրորդ․ եկեղեցու վերաօծման հանդիսաւոր միջոցառումն է նախատեսւած, ու հնարաւոր է բողոքի այս ակցիաներով փորձեն եկեղեցու դէմ տրամադրութիւններ գեներացնել, որ լեգիտիմացնեն նաեւ այդ արարողութեանն իրենց չմասնակցելը:
«Հրապարակ»