«Արցախը լուծարւած է, այն այլեւս գոյութիւն չունի». Ալէն Սիմոնեանը հանդէս է եկել հակաարցախեան հերթական յայտարարութեամբ
«ԱԼԻՔ» – Երէկ՝ սեպտեմբերի 9-ին մեկներկել է ՀՀ ԱԺ աշնանային նստաշրջանը:
Երէկւայ նիստում ելոյթով հանդէս է եկել ՀՀ ԱԺ նախագահ Ալէն Սիմոնեանը, որը հակաարցախեան հերթական յայտարարութիւնն է կատարել:
Նա մասնաւորապէս նշել է. «Արցախի Հանրապետութիւնն ինքն իրեն լուծարել է իրենց պաշտօնեաների որոշմամբ։ Լեռնային Ղարաբաղի, Արցախի պաշտօնեայ այլեւս գոյոթիւն չունի, նման կարգավիճակ Հայաստանում այլեւս որեւէ մէկը չունի, եւ չգիտեմ, թէ ում հետ պէտք է հարցերը քննարկեմ հաւանական նիստի պարագայում։ Որպէս իրաւաբան՝ նոյնպէս համարում եմ, որ այլեւս այդ ֆորմատը գոյութիւն չունի»:
Աւելի ուշ պատասխանելով լրագրողների այն հարցին, թէ ՀՀ գործող իշխանութիւնների համար այլեւս Արցախ գոյութիւն չունի՞, նա ասել է. «Ինչ է նշանակում Արցախ գոյութիւն չունի: Այնքան լայն բան էք ասում: Իրաւական առումով Լեռնային Ղարաբաղ միաւորում գոյութիւն չունի: Կան ԼՂ-ին տեղահանւած մեր հայրենակիցները, որոնք ապահովման եւ մնացած բոլոր խնդիրներով Հայաստանի կառավարութիւնը զբաղւում է գերազանց ձեւով»:
