Բագրատ Սրբազան. «Վերջին օրերի արցախեան տրամադրութիւնը ծանր է ազդել Ալէն Սիմոնեանի ու իր տէրերի վրայ»
«ԱԼԻՔ» – Որքան ժամանակները խորանում են, այդքան այդ մարդկանց վախից բխած ցինիզմն ու լկտիութեան գերադրական աստիճանն արտայայտւում են: Այս մասին երէկ՝ սեպտեմբերի 9-ին, Երեւանի Սուրբ Աննա եկեղեցու բակում հրաւիրւած հաւաքին ասել է «Սրբազան պայքար» շարժման առաջնորդ Բագրատ Սրբազանը՝ անդրադառնալով ՀՀ ԱԺ նախագահ Ալէն Սիմոնեանի յայտարարութիւններին Արցախի վերաբերեալ:
«Խորհրդարանի նախագահի աթոռը զաւթած անձը, որը յայտնի է քաղաքացիների վրայ թքելով եւ բարոյականութեան հետ աղերս չունեցող յատկանիշերով, խօսել է Արցախի մասին։ Հաւանաբար այս վերջին օրերի արցախեան տրամադրութիւնը ծանր է ազդել իր ու իր տէրերի վրայ, եւ յատուկ հրահանգ են ստացել յարձակւել այդ ուղղութեամբ։
Որքան ժամանակները խորանում են, այդքան այդ մարդկանց վախից բխած ցինիզմն ու լկտիութեան գերադրական աստիճանն արտայայտւում են»,-ասել է նա։
