Ճանաչենք Հայոց աշխարհը

Բաղացսար

Գտնւում է Սիւնիքի մարզում, Շիշկերտ գիւղից 5 կմ հիւսիսարմուտք Լեռը ձգւում է հիւսիսարեւմուտքից հարաւ-արեւելք 4-5 կմ երկարութեամբ: Արեւմուտքից միանալով Լճկուտ, հարաւից՝ Ճգնաւոր լեռնագագաթներին, նրանց հետ մէկտեղ կազմում ջրբաժան Ողջի եւ Մեղրի գետերի միջեւ: Բաղացսարը կազմում է «Արեւիք» ազգային պարկի մի մասը: Բաղացսարի հարաւարեւելեան լանջերից է սկիզբ առնում Կալեր գետը:

Բաղացսարի անւանումը կապւած է Բաղք գաւառի անւան հետ, իսկ բաղ-ով սկսւող անւանումները առաջացած են համարւում տարբեր ցեղանուններից:

 

Գազանա լեռ

3829 մ

Գազանա լեռը գտնւում է Սիւնիքի մարզում, Նախիջեւանի սահմանին։ Համարւում է Զանգեզուրի  լեռնաշղթայի երկրորդ ամենաբարձր գագաթը,  բարձրութիւնը՝  3829 մ։

Լեռնագագաթը վեր է խոյանում Գեղի եւ Կարթ գետերի միջեւ, նրա լանջերին է գտնւում նաեւ Գազանալիճ լիճը։

Լեռը  կազմւած է պալեոգէնի գրանիտներից, գրանոդիորիդներից, պորֆիրիտներից։ 

 

Սիսակապար լեռ

3826 մ

Սիսակապար լեռը գտնւում է Սիւնիքի մարզի եւ Նախիջեւանի  սահմանին, Զանգեզուրի լեռնաշղթայի հարաւային կատարային մասում՝ Քաջարանի լեռնանցքի սահմաններում, Կապուտջուղ եւ Քաջարանց գետերի  միջեւ։  Բարձրութիւնը կազմում է 3826 մ։ 

 

Արամազդ Լեռ

Արամազդ, Արամազ, Արմազդ, Գազբել, Գազբոյլ, Գազբոկլք, Գեազբել, Կազբել, Կազպել, Կասբել, Կասպել, Կարակաեա, Մուրաշին, Մուրուշ, Մուրուշին, Բարգուշատի լեռնաշղթայի ամենաբարձր լեռնագագաթը (3392 մ)՝ Հայաստանի Սիւնիքի մարզում։ Կազմւած է հրաբխային ապարներից։ Լանջերը զառիթափ են՝ ծածկւած լեռնամարգագետնային բուսականութեամբ։ Գագաթնամերձ մասերում կան մերկացումներ, քարացրոններ։

Նիւթը տրամադրել է՝ ՍՕՍԷ ԽՈՒԴԱՎԵՐԴԵԱՆԸ