Հռոմի Պապի վիճակը կրիտիկական է

«ԱԼԻՔ» – Հռոմի Պապ Ֆրանցիսկոսի վիճակը շարունակում է մնալ կրիտիկական։ Այսօր առաւօտեան Հռոմի Ֆրանցիսկոս Պապի մօտ երկարատեւ ասթմատիկ շնչառական ճգնաժամ է առաջացել, որը պահանջում էր բարձր հոսքով թթւածնային թերապիա: Այս մասին յայտնում է Vatican News-ը։

Նշւում է, որ այսօրւայ արեան անալիզները յայտնաբերել են թրոմբոցիտոպենիա՝ կապւած սակաւարիւնութեան հետ, որի համար անհրաժեշտ է եղել արեան փոխներարկում։ news.am-ի հաղորդմամբ:

Նա օրն անցկացրել է աթոռի վրայ, թէեւ աւելի շատ է տառապել, քան երէկ։ Այս պահին կանխատեսումը զուսպ է։