Հայ երաժիշտները՝ «Ֆաջր»-ի 40-րդ միջազգային երաժշտական փառատօնում

«ԱԼԻՔ» – «Ֆաջր» 40-րդ միջազգային երաժշտական փառատօնում իրանահայ դաշնակահար եւ երաժիշտ Արմէն Ասատրեանը եւ Հայաստանից ժամանած կոմպոզիտոր ու  փողային գործիքների կատարող  Լեւոն Թեւանեանը հանդէս են գալու համատեղ կատարմամբ՝ «Վահդաթ» դահլիճում, փետրւարի 15-ին, երեկոյան ժամը 21:30-ին։

 Լեւոն Թեւանեանը ծնւել է Երեւանում, 1975 թւականի սեպտեմբերի 13-ին: Երիտասարդ տարիքից սովորել է դաշնամուր եւ փողային գործիքներ, իսկ 1997 թւականին աւարտել է Երեւանի Կոմիտասի անւան պետական կոնսերւատորիան։ Նա յայտնի է, որպէս երաժիշտ, ով կատարում է հայկական փողային գործիքներ՝ դուդուկ, բլուլ, շւի, թաւ շւի եւ զուռնա։ Տարբեր երաժշտական ​​խմբերում իր աշխատանքին զուգահեռ՝ Թեւանեանը 2011 թւականից աշխատում է, որպէս Հայաստանի ժամանակակից ժողովրդական գործիքների պետական ​​ֆիլհարմոնիկ նւագախմբի մենակատար եւ դիրիժոր։