Երբ դժւարութիւնները փորձութեան են ենթարկում հասարակութեան ոգին
Երբ երկիրը ծանր փորձութիւնների միջով է անցնում, մշակութային կեանքի շարունակականութիւնը վերածւում է ազգային դիմադրութեան կարեւորագոյն դրսեւորումներից մէկի։
Իրանի ներկայիս բարդ պայմաններում միութիւնների եւ կազմակերպութիւնների բնականոն գործունէութեան պահպանումը, ծրագրերի իրականացումն ու նոր նախաձեռնութիւնների ձեռնարկումը սովորական աշխատանք չեն, այլ պատասխանատւութիւն՝ ազգային ինքնութեան եւ հանրային ոգու հանդէպ։
Այս կենտրոնները, շարունակելով իրենց առաքելութիւնը, ապացուցում են, որ մշակոյթը չի ենթարկւում յուսահատութեան տրամաբանութեանը։ Նրանց տոկունութիւնը արժանի է գնահատանքի, իսկ զարգանալու կամքը՝ քաջալերանքի։
Որովհետեւ ազգի կենսունակութիւնը չափւում է նաեւ դժւար օրերին ստեղծելու, համախմբւելու եւ ապագայի հանդէպ հաւատը պահպանելու կարողութեամբ։
Կանաչ ճանապարհ եւ անսասան երթ՝ Ձեզ:
