Հասուն տարիքում սնւելու որակը կարող է ազդել ուղեղի աշխատանքի վրայ ծերութեան ժամանակ

Գիտնականները պարզել են, որ հասուն տարիքում ճիշտ սնւելը կարող է պահպանել ուղեղի առողջութիւնը, երբ մօտենում եք ծերութեանը:

JAMA Open Network ամսագրում հրապարակւած նոր ուսումնասիրութիւնը ցոյց է տւել, որ սննդակարգի որակը եւ գօտկատեղ-ազդր յարաբերակցութիւնը, որը չափում է որովայնի ճարպը, կարող է ազդել ուղեղի աշխատանքի եւ ճանաչողական անկման վրայ:

Գիտնականները վերլուծել են մեծահասակների երկու խմբի տւեալները: Առաջինը ներառում էր աւելի քան 500 միջին տարիքի մարդկանց, որոնց սննդակարգը վերահսկւել է 30 տարւայ ընթացքում: Երկրորդը ներառում էր մօտ 660 մարդ, ովքեր նոյնպէս 70 տարեկանում անցել են ուղեղի ՄՌՏ հետազօտութիւն եւ ճանաչողական թեստեր:

Արդիւնքները ցոյց են տւել, որ միջին տարիքում աւելի առողջ դիետաները յանգեցրել են հիպոկամպի ֆունկցիայի բարելաւմանը եւ ծերութեան ժամանակ սպիտակ նիւթի ամբողջականութեան բարելաւմանը: Հիպոկամպը կարեւոր նշանակութիւն ունի յիշողութիւններ ձեւաւորելու եւ վերականգնելու համար, իսկ սպիտակ նիւթը օգնում է սովորելու, խնդիրների լուծմանը եւ կենտրոնացմանը: Ի հակադրութիւն, գոտկատեղ-ազդր յարաբերակցութիւնը կապւած էր աւելի վատ աշխատանքային յիշողութեան եւ կատարողական ֆունկցիայի հետ:

Հետազօտութեան հեղինակներն աւելացրել են, որ սննդակարգը բարելաւելու եւ որովայնի ճարպը թիրախաւորող միջամտութիւնները կարող են ամենաարդիւնաւէտ լինել 48-ից 70 տարեկանում:

News.am